"بۆهات"
پەڕی 373 هەم ئەم شاعیرە ئەم شاعیرە دوو یا سێ رۆژی تەواو خواردییەوە
و چووە سەر سەکۆی شانۆ
و سەیرێکی ئامادەبوانی
کرد و زوو زانی دەبێ چی
بکات. لەسەر سەکۆ پیانۆیەکی
گەورە داندرابوو، بەرەولای چوو، سەرەکەی هەڵداوە
و تێیدا رشاوە. دواتر سەرەکەی ناوە
و شێعرەکانی خوێندەوە. ناچار تەلەکانی پیانۆکەیان
دەرهێنا و نێوەکەیان خاوێن
کردەوە و لەسەڕا تەلەکانیان
دامەزراندەوە. من دەزانم بۆچی ئیتر
ئەویان بۆ شێعر خوێندنەوە
بانگهێشت نەکردەوە. بەڵام ئەوەی کە زانکۆکانی تر ئاگادار
بکرێنەوە کە ئەو شاعیرێکە کە حەزدەکات بەسەر پیانۆدا بڕشێتەوە ئیدی ئەوە زۆر بێ ویژدانییە. ئەوان هیچ کات بە نرخی شێعر خوێندنەوەکانی
ئەویان نەزانی. من ئەو شاعیرە دەناسم، ئەویش هەروەک ئێمەیە، وەکوو گشتمان. ئەو بۆ پووڵ و پارە لە هەموو جێیەک دەرشێتەوە! *** چارڵز بۆکۆفسکی *** و: ن.ف *** پەڕی 372 ەم جار جارە هەست دەکە هێشتا ماوم! خۆشە، وا دەڵێن، دەلێین ژیان خۆشە! هێشتا لە گوو کردن نەکەوتووم، گوو خۆشە، دیارە کردنەکەی لەگەل سیگار، دیارە کێشانەکەی، چاوەروانیش هەروەتر، دەژیم هێشتا هەر دەژیم لێرە ولەوێ، دەکەم: میز، گان، شەر، تەرس و گوو، دیارە تێکەڵ، ژیان جوانە: ئەوە کەرە پیاوێک دیگوت، کەر بەڵام ئاقل: ئەستەمە شتی وای بۆ هەڵکەوێ و نەیگێ! دەژیم... جارجارە دەچم بۆ پارک چاو لە گەڵ وباشماغی خەڵک دەکەم خەڵکیش پێیان خۆشە خەڵک ژنە کچە ئەوشتانەیە دەژیم... درۆ دەکەم درۆی وا کە وەک گا دەبۆرێنێ کێ بەکێ یە؟! هێشتا قوونم نەداوە بەمنداڵی ویستم بیدەم خاڵم بەسەرمان داهات و فریا نەکەوتم قەرارە بیدەم دیارە ئەگەر گەیشتمە دەرێ! دەرەوە دەژیم... جارجارە بە سوال وسەدەقە دەخۆمەوە بیرە ویسکی لەو جۆرە شتانە دەژیم... هێشتا هەر دەژیم جارجارە دەسپەر دەکەم زیاتر بە خات خەجیجەوە خات خەجیجی جیرانمان بەمنداڵی هەمیشە پێی دەگوتم: ناسر گیان وەرە بەقوربانی ئەو گونەت بم بچۆ دووسێ دەسکم کەوەر بۆ بێنە دەژیم... زۆر جار دەتڕم لەلای باوکیشم تڕم کەندووە بابیشم زۆری تڕکەندن پێ سەیربوو ئەویش تڕکەن بوو وەک خۆم دەژیم... شاییەک پەناباتێک، قرانێک، فلسێک، تمەنێک: چییە؟! لە گیرفانم دانییە دیارە ئێستا شۆرتم لەبەردایە بەڵام لە پارکیش هەر ئەوە وەزعمە! دەژیم... جارجارە شەقلی پەقلییەک دەکێشمەوە بۆخۆم پێی دەڵێم تەراحی نازانم بۆ زیاتر حەز دەکەم دەموفلچی بەشەر بکێشمەوە بەشەر پێدەکەنم.. ئائا ئەیچۆن هەر ئێستا پێدەکەنم! دەژیم... کراسم هەیە، پاتۆلم هەیە.. نانا.. پاتۆڵم نییە ئەوە هەولێرییەکانن بە شارواڵ دەڵێن پاتۆڵ جووتێکیشم کەوشی ئادیداس شاردۆتەوە ئەگەر چووم بۆ وەرزش وەدەریان دەخەم وەرزش! دەژیم... سیگار دەکێشم ئاو دەخۆم دەخەوم ب . . . دەژیم... پێدەکەنم، دیارە هەمیشە بەڵام گوێفیچێکی رفیقم هەیە هەمووجارێ لە زەوقم دەداو دەڵێ: ئەشا.. ئەشا.. پێکەنینەکەی ئێژی شیوەن ورچە!!! پێدەکەنم بەڵام قۆر دەژیم... بۆیە نەمردووم: چوونکە دەژیم! دەژیم... سالي 2007 *** "منداڵەكان بۆ پێكەنین بۆقەكانیان دەكوشت و بۆقەكانیش بۆ پێكەنینی منداڵەكان خۆیان بەدەستەوەدەدا!" *** پەڕی 370 هەم تۆش ڕاتكردووه؟! پەڕی 369 هەم تە وێ كوژت؟ وی خۆ كوژت! كو ژ ت ە... *** پەڕی 368 تەم ئازادی نا . . . *** پەڕی 367 تەم هەمووشتێک، شەوی بەسەر دادێ! یەک شەوی بەسەر دادی نەبێتەوە! جا شەوی بەسەر دادێ، شەو! شەوی بێ مانگ و بێ ئەستێرە، شەوی بێ تریفە، بێ ترووسکە! راوەستە، شەو بەسەر هەمووشتێک دادێ، بەسەر هەر هەمووشتێک، هەموو هەموو شتێک!!! شەو بەسەر دار و بەرد دادێ شەو بەسەر پاک و پیس دادێ شەو بەسەر ورد و درشت دادێ شەو بەسەر تەڕ و وشک دادێ جا شەو بەسەر چی دا نایە؟! نەگبەتە شتێکی، بەسەر هەموو شتێک دادێ، تەنانەت بەسەر"سێو"یشدا! *** پەڕی 366 شەم بەدەر لە مامەڵە، ئەگەر تەواوی دنیا، بە داگرتنی قرتەیەك تێك بدەی و بە حەپەساوی چاو لە چاوم، چاوەڕوانی هەڵوێستم بكەی دەڵێم: هیچ نییە بابەگیان! هیچ نییە بەقوربان! هیچ نییە ماڵەكەم! هیچ نییە نا! هیچ نییە! من بۆ تۆ ئاوام، ئەی تۆ بۆم چۆنی؟! *** پەڕی 365 جەم نازانم، ئەوشتەی دەیڵێم، ئێوە پێم بڵێن، داهێننراوە؟! یان؟! من شتێكم داهێناوە كە مرۆڤ تێیدا بزر دەبێ و نابیندرێ، ئەم شێعرە قسەیە شێعرێكی لەسەر شێوازی شێعرەكانی سیلوێرستاین نییە كە چاوەڕوانی كۆتاییەكی چاوەڕوان نەكراوی لێ بكرێت نا بەڕاستمە من شتێكم داهێناوە كە مرۆڤ بەوشتە لەبەرچاوی خەڵك بزر دەبێ، تەنها ماوە ئەم قسەیەی من بەگوێی لایەنی داواكار بگات و بیرۆكەكەم لێ بكڕێت و لەو قسانە! بەڕاستیمە! داواكارم بۆ بدۆزنەوە! ناوی نەهێنی داهێنانەكەشم بریتییە لە: "فت، شەپ، دووبارە،
ئەها! ئەوەی وەك خۆی دووبارەی دەكردەوە!". *** پەڕی 364 رەم جەماڵ دەڵێ: قوتابییەكانی كۆڵێژ ژن و پیاو بەیەكەوە دەكێشنەوە، ئەویش بەڕووتی! بێ ئەدەبییە، هەر جوانیش نییە، دوو بێگانە بەڕووتی لەگەڵ یەك! با گوڵێك بكێشنەوە، با دوو سێو بكێشنەوە، جوانتریشە و باشتریشە! *** پەڕی 363 هەم خۆ راستە هەر رۆژە و شتێكم پێ دەڵێی، بەڵام هیچم پێ مەڵێ هیچ! هیچم پێ مەڵێ! چوونكە هەرچی پێم دەڵێی راستە چوونكە هەرچیم پێ دەڵێی راستە! لێم گەڕێ! *** پەڕی 362 هەم بیست و یەك ساڵم تەمەن بوو هاتمە ئەم وڵاتە، هەتی ئەوكات جوان بووم، جەوان بووم! بەڵام ئێستا، سی و دوو ساڵمە و هەر لەم وڵاتەم! *** پەڕی 361 كەم با هونەرمەندان چیتر بەرهەمەكانیان منداڵە تسەكەنەكانیان نەبن، با لێگەڕێن بچنە تاران بچنە بەغدا یان لێ گەڕێن بچنە ئەولا، كێ دەڵێ: بەدەوڵەمەندی یان بە ئێستری ناگەڕێنەوە؟! *** پەڕی 360 تەم ڤیان بە تووڕەیی گوتی: ئەو هەمۆ خاڵ و فاریزەیە چییە؟! ئەوە كاتێك كە كتێبێكی بۆ دەخوێندمەوە و منیش بۆم تایپ دەكرد! خاڵ و فاریزە ئا لەم وڵاتە، بێ كەڵك و زیادین، دەك كەپۆم كوێر بێ بۆ زمانی كوردی، ئا لەم وڵاتە! *** پەڕی 359 هەم نە دیاری نا دیاری! *** پەڕی 358 تەم جاوەرە مرۆڤێك بی لەگەڵ مامرێك هیچ جیاوازیەكت نەبێت پەلەقا ژەیەك و گیاندانێك و بڕایەوە. *** پەڕی 357 تەم هەمووشتێكی ژیانم بەگاڵتە بگرە تەنها باوەڕەكان و سەفسەتەكانم نا! چوونكە دەزانم سبەی سەفسەتەكانم فەلسەفەكانت بۆ دادەڕێژن! *** پەڕی 356 شەم جاری وایە لەبەرخۆمەوە دەڵێم: هەتی ئەو خەڵكە بۆ ئەوەندە فەرامۆش كارن؟ باشە خۆ من، زۆر كارم بۆ زۆر كەس كردۆ ئەی باشە بۆ هیچ كەسێكیان هیچ شتێكیان لەبیر نەماوە؟! *** پەڕی 355 جەم راستییەكان بەدرۆ ئاوس دەبەن و پێچەوانەكەشی هەروەتر! راستییەكان درۆ دەخەنەوە و درۆكانیش هەروەتر! بۆ بەرگری كەوتنەوە درۆكان دەبێ راستی وەك درۆیەكی گەورە بە نووكە شەق لە باوەڕەكانمان وەدەر بنێین! *** پەڕی 354 رەم زوو زوو سەیری ئاوێنە كردن لە تەنیاییمان دەپارێزێ و لە خۆڕامانی زۆر لەئاوێنەدا لە خۆمانمان دەترسێنێ، بەڵام زۆر زوو زۆر نەهێنیشمان لەپشت ئەو ترسە بۆ رووماڵ دەكات! *** پەڕی 353 هەم ئێوە ئەوەندە لە بەختەوەریدان تەنانەت بێ بەختییەكانی ئێمەش بە بەختەوەری دەبینن بەختی خۆتان! *** پەڕی 352 هەم هێندەت من من كرد فارس واتەنی: منت كرد! *** پەڕی 351 كەم دەنگی خۆش و ناخۆش قسەی قۆڕە هەموو دەنگێك خۆشە بەس بڕٍێ دڵت چابێ! *** پەڕی 350 هەم زۆر ئاسوودە و ئارامم چوونكە زۆر لەوەی كە هەم بەنەرخ ترم! *** پەڕی 349 هەم كە كارێك دەكەم مەڵێ: چ دەكەی؟ چوونكە گەر بڵێم لە كارت دەكەم! *** پەڕی 348 تەم ژیان هاسان نێ دەی، دیسان من لێرە
لەنێو"با" بەحەواوە دەخایەنم،
بۆهەركوێم ببا"با" پێكەنین و ئاو بەخۆدا
پرژان، لە هەتاوی هاوینی"یا" "تا"
بە ئاگابێم، كاتژمێر مایەتی زەنگ"با". دوای ئەو قاوە، مامچ
و دوو جگەرە گەڕامەو بۆ ساردو
سەڕ"ما" بەدوای خولیا"ما" بڵێی بتوانێ دوو
پوول دەربێنێ ئەو منەی ئێستا؟ "ها؟!؟ *** وەرگێڕانی بەشێك
لە شێعرێكی سیلوێرستاین بەكەیفی خۆم *** پەڕی 347 تەم 1: ثێموایه ساڵان، واتە لە رابردوودا، خەڵك جگە لە ماندوویەتیی جەستەیان، كە ئەویش گرفت نەبووه، هێندە مێشكیان دەست لێ نەدراو، ئاسوودە، گوشار بۆ نەهاتوو، ساف و حەساوە بووە، كە تەنانەت تاقەتی درێژترین و پێچەڵاوپووچ ترین شێعرەكان و چیرۆكەكان و بابەت و بەیت و باوەكانیشیان بووبێت و، پێدەچێ مەتەڵ و پەندی پێشینیان و قسەی نەستەق و فەلسەفی و پڕكاكڵ، بەشێك له رابواردنی رۆژانەیان بووبێت. بەڵام ئێستا ـ كارم بە جەستە نەداوە كە وازی یەكجار شڕە و بۆ قسە نابێ ـ وادیارە، خەڵك هێندە مێشكی ماندوو و پڕ لە هایتووهووت و بگرە و بەردەیە كە تەنانەت حەزی بیستنی ساكارترین مەتەڵەكان و جووتراوترین وتار و قسەكانیشیان نییە. هەر بۆیە بەم شێعرە قسەیە پێشنیار دەكەم: 2: "تۆبە دەكەم!" پێشنیار دەكەم: شاعیران و نووسەرانی ئەم سەردەمە بە لەبەرچاوگرتنی دنیای پڕ له مێشك گایینی ئەم سەردەمە ئەو فشقیاتە پڕ پێچەڵاو پووچ و بێ سەرەو بەرە و پڕ رەمز و هێما و نەهێنی و مەبەست و قەست و مەست و شتەی خۆیان بەناوی شێعر و مێعر و وتاری قووڵ و مووڵ و شتی وا دەرخواردی خەڵك نەدەن و بێن وەك من تۆبە بەكەن و بڵێن: تۆبە! بۆوەی دەستدرێژیم نەكردبێتە سەر مێشكی خەڵك، لەوە بەولاوە تۆبە دەكەم و وەك بەشەران شت دەنووسم! *** پەڕی 346 شەم پەپوولەكە! پەپوولەكە! پەپوولە باڵ رەنگینەكە! كاتێ خاسخوا جەللادەكە! بەسەرتی داكرد توورەكە! بردیتێ ناو ژوورەكە! سەرتی بڕی بە پووڵەكە! خوێن فیشقەی كردە سەر كامێراكە! كەوتییە یەك باڵەفڕكە! نەبێتەوە، نەبێتەوە، تاوانەكە! ئێستاش لەسەر یووتووبەكە! لۆدو لۆدو داونلوودەكە! قوولە دەكا، قوولە دەكا، قوولە دەكە! تۆ مردییوو دووتڕ بەگۆڕت پەپوولەكە! *** پەڕی 345 جەم كورتە چیرۆك بوون - بوو بوو بوو... نەبوون. *** پەڕی
344 رەم ئەم
شێعرەت پێ چۆنە؟ دارێكی
وشك بەهاریش
وشكە هاوینیش
وشكە پاییزیش
وشكە زستانیش
وشكە ئێستا ئەم
تابلۆیەت پێ چۆنە؟ *** پەڕی
343 هەم هەزارجار
رێگە خۆشكە بۆ نەیارانت كە ببنە یارت بەڵام یەكجار
رێگەخۆشمەكە بۆ یارانت كە ببنە نەیارت! ن:نادیار و: ن.ف *** پەڕی
342 هەم لە كۆتایی
دا مەبەستم
لە "هەستم" هەستانە سەر پێ نییە بەڵكوو
مەبەستم لەخەو هەستانە. هەندێك
قسەی ساكار و ئاسایی
هەن كە ئەگەر
وەك
قسەگەلێكی فەلسەفی لێیان بڕوانین لە زۆربەی
قسە فەلسەفییەكان قوڵترێكن! وەك
ئەم قسەیە: " من زۆر بەیانی بەر
لەوەی لەخەو هەستم خەبەرم
دەبێتەوە." *** پەڕی
341 كەم ساڵان
دەمگوت: هەرچۆنێكی
بێ دەبم بە مامۆستا! بەڵام
باوەڕ بفەرموون: " لە شاگرد دووڕووتر
و بێ ئەمەك
تر و بێ قیمەت
تر نییە لە دنیادا!" ئێستا
دەڵێم: هەرچۆنێكی
بێ نابم بە مامۆستا چوونكە: "هەموو ئەو شتانەی بە قوونەوەدڕی
بەدەستی دێنێ و بە بەلاش
بەوانی دەدەی، ئاوات
بۆ لێك دەدەنەوە: مامۆستاكەمان
خەرفاوە زانستی
پێ نەماوە گووی
لە قوونی گیراوە!!!". *** پەڕی
340 لەم زیرەكانەترین
جیهانگیری مێژووی مرۆڤایەتی لێفەی
لەسەر هەڵدرایەوە! گوایە: كوردەكان
لە پارچە پارچە بوونی خۆیاندا دەستیان
هەبووە و بەئانقەست
خۆیان پەرت و بەڵاوكردووە بۆ ئەوەی: لە داهاتوویەكی
نزیك دا لە كوودتایەكی
بێ وێنەدا كوتووپڕ
راپەڕن و دەست
بەسەر تەواوی دنیا دابگرن و كوردستانی
چوار قاڕڕە رابگەیەنن و ئۆستۆڕالیاش
بۆ ناڕازییەكان جێ بێڵن!!! *** پەڕی
339 هەم لە لاقی
رۆحی دانیاسۆڕەكان هەڵدەكەوم و لیوانەكەم
لە دەستی بەردەبێتەوە و دەشكێ! خەتای
خۆم نییە پێم
وابێ لەبن ماڵەكەمان نەفتی خاوی لێیە! *** پەڕی
338 تەم ئەگەر
هاتوو بەهەر هۆكارێك تیر
بارانیان كردم دەست
بە دڵمەوە دەگرم بۆ ئەوەی ئەوێم
نەپێكرێ هەتاوەكوو
دابێژ دابێژران و مردن
و گیاندانەكەم
بە چاوی
خۆم ببینم! *** پەڕی
337 تەم جاران
ئەو نووسینانەی شێر و رێوی زۆری تێدابوو و لێكدانەوەی
دەروونناسانە و تڕوتەوێڵەی
زۆری تێدابوو بەلامەوە
زۆر گرنگ بوون و زۆر
بە تام و چێژەوە دەمخوێندنەوە، بەڵام
ئێستا ئەو
نووسینانەی شێر و رێوی زۆری تێدانییە و لێكدانەوەی
دەروونناسانە و تڕوتەوێڵەی
زۆری تێدانییە بەلامەوە
لەوانی پێشوو باشترن! بەڵام
بەڕاستی هیچ شتێك ناگاتە خوێندنەوەی ئەو رەوایەت
و گێڕانەوە سادە و ساكارنە: " ئاوا هات و ئاوا چوو
وئاوا فەوتا و ئاوا تەواو." *** پەڕی 336 شەم بۆ ئاگاداری كەناڵە
ئاسمانییەكان دیارە هی كوردییەكان! تا بێكارم بمقۆزنەوە! من كابرایەكی داهێنەرم! هەر بەبێ گاڵتە! ئەمە وەك شێعر مەخوێننەوە! بەڕاستیمە! دەتوانم بەرنامەیەكی
تەلەفزیۆنی بەڕێوەبەرم كە هاوكات هەم نەققاشی
و نیگاری تێدا بكێشمەوە هەم لەگەڵ بینەرانی
راستەوخۆی بەرنامەكەش بە تەلەفۆن قسە بكەم هەم زوو زوو رێكلام
بۆ سپۆنسەرەكەی بكەم و هەم وەك پێشكەشكاری
كاناڵە سێكسییەكان بۆ ئەوەی روخسارم لە
بزە و
پێكەنینی كەرانە نەكەوێ جاروبارە جوز بە قوونیشمەوە
بكەم! بەڵێ لەبەر چاوی بینەران! بەڵكوو بەناوی نوێگەریش
بووبێ هەر هیچ نەبێ ئێوە دوو نەفەر سەیری شاشەكانتان بكەنوو ئەمنیش كارێكم دەست كەوتبێ! *** پەڕی 335 جەم بێكاریم پێ باشترە
لە بێگاری! *** پەڕی 334 رەم هەتی هەر هیدایەت مابوو ئەویش بە كەری زانیم! خۆ خستبوومیە سەر كار بەڵام بەو مەرجەی خاوەن كار لەتوركیا
بێتەوە ئەوە خاوەن كار هەر
دێتەوە! ئای نایەتەوە! ئەو گونەیە!!! *** پەڕی 332 هەم گوو ئاوا خۆشە: لە خولەكی نەوەد دا! بە بێ نەقە! روون و رەوان بێت! وەك: جاڕنامەی گەردوونی
مافەكانی مرۆڤ ! *** پەڕی 331 كەم حوكمەت لەوە باشتر: چوونكە جەژن كەوتۆتە
رۆژانی هەینی و شەممە، بۆ قەرەبووی ئەم كارەساتە دوو رۆژی تەحتیلی جوبڕانی (پشووی تێهەڵنێنانەوە) بە خەڵك دەدا و خەڵكیش ئەمەكناسانە
دەڵێن: لە كۆنەوە گوتوویانە: نێوان دوو پشوو بە
پشوویە حیسابە و
سێشەممە و چوارشممە
و پێنج شەممەش
دەكەن بە پشوو و هەینی و شەممەش خۆ هەر خۆی
پشوویە و ئەوەكەی دیكەشی لە سوڵتان مەحموود
گەورەترە! *** پەڕی 330 یەم دانپیانان لە چاوەڕوانی مەرگ
دا، لە چەشنی كتكێك كە خۆ دەخات لەسەر پێخەف زۆر زگم بە ژنەكەم
دەسووتێ كاتێ دەبینێ كەلاكێكی رەقهەڵاتوو و ساردەوەبوو. جارێك رایدەوەشێنێ،
دواتر، جارێكی دیكەش. ((كوڕە!)) كوڕە وەڵام ناداتەوە. ئەوە مەرگم نییە
كە وە دڵەراوكێم دەخات، ئەوە ژنەكەمە كە دەمێنێتەوە بە تەغارێك لە هیچ. سەرەڕای ئەوە دەخوازم
لێگەڕێم بزانێ تەواوی ئەو شەوگەلەی
لەتەكیا نووستووم و تەنانەت تەواوی چەلەحانێكانمان
لەسەر هیچ و پووچ، بەلامەوە تا هەتایە
بەشكۆن. هەروەها ئەو وشە
ئەستەمانەی كە هەردەم لە گوتنیان دەترسام، ئێستا دەكرێ بگوترێن: عاشقتم! *** ن: چارڵزبۆكۆڤێسكی و: ن.ف ***
پەڕی 329 هەم بەڵێ تۆش تۆش ماستاوچی تۆیەك كە ئەم دێرانە دەخوێنییەوە، تۆش ماساوچی رقم لە ئینسانی ماستاوچییە! *** پەڕی 328 تەم شا ئەو هەموو شێخ و شەریفەی لێمان پەیدا بووون! ئەوە بۆ هەموو بوونە شەیتان تۆ بووی بە رەحمان؟! لێمان گەرێ بابە! قوز و قوونت خڕكەوە! *** پەڕی 327 تەم رۆژ نییە چیرۆكێك نا دوان نا زیاتر، لە مێشكم دا نەنووسم و نەیدڕێنم. خۆشحاڵم هیچ رۆژێك دەرفەتی نووسینەوەیانم دەست ناكەوێ ئەگینا توڕەهاتی دونیام تۆمار دەكرد! *** پەڕی 326 شەم كاتێك دوو كەس كە لە گۆشت و خوێنێكن چاویان بە چاوی یەكتر هەڵنایە و لێك تێناگەن ئیتر دوو بێگانە دەیانهەوێ چۆن و چەتوون گوویەك لێك بگەیەنن!؟ *** پەڕی 325 جەم بەتەمام دووكانێكی وەسیەت نامە فرۆشی دابنێم ئەگەر دامنا ئەم جۆرانەمان دەبێ: وەسیەت نامە بۆ بەناو گەورە پیاوان وەسیەت نامە بۆ كوت و خوێڕیی دار و بەرد ئەگەر دام نەنا ئێوە داینێن خێڕی زۆرە خێری زۆر تێدادەبێ! *** پەڕی 324 رەم كاكە ئێمە ماڵی كارین خۆ نەدی و بەدی نین یەكسەر لە پارە بپرسین هەر چۆنێك بێ دەزانین كار گرنگترە لە جرپین كەس نەبۆتێ بە تڕین وەرن بۆ بوون بتڕین خۆ ئێمە هەر نەبوونین! *** پەڕی 323 هەم كە دەڵێی: بە باوەڕی من ئاگات لە دمت بێ دڵنیابەوە لەوەی باوەڕی خۆتە دەنا لە دمت رادەكێشم خۆ كەر كەرێن نییە باوەڕی خەڵك بەناوی خۆتەوە تەواو كەی! *** پەڕی 322 هەم رووناكیی مۆم زیندوویە گیانی هەیە رووناكی مۆم كەم دەكات زۆر دەكات جۆلانە بە سێبەر دەكات لە تاریكیما لە
تەنیاییما مۆم دەدوێنم مۆم دەهەژێنم فرمێسك و سەمای پێك دەگەیەنم! *** پەڕی 321 كەم بیستن و بینین و خشان و دوانەكەی دیكە بەردەوام دێنە نێوتەوە و دەنگوو گوو گوو گوو دەدەیتەوە! *** پەڕی 320 تەم ئەو حەسەن زیرەكەش گۆرانی ناخۆشی نییە! *** پەڕی 319 زدەهەم هۆكار و بەرهۆ باشەكان زۆربەیان بە دەستی
خۆیان خۆیان تێدا دەبەن، تەنیا بۆئەوەی رزگاریان
بێت. ئەوانەش كەوا دەمێننەوە هەر ئاگایان لە قوونیشیان
نییە كە ئەو عالەمە لە داخی
ئەوان خەریكن خۆیان بەگان
دەدەن. *** ن.چارڵز بۆكۆڤێسكی و.ن.ف *** پەڕی 318 هەم هەتی دەزانی! چتی زۆر خراوتر لە
تەنیاییش هەس، بەڵام زۆر جار بە
دەیانساڵی تێ وەردەسووڕێ تا مرۆڤ بەوشتە دەحەسێ. زۆر جاریش تا دێی
بزانی دنیا بەری بە كوێوەیە پیس دێر بووگە جا هیچ چتێك تریش
بەقەرا پیس دێر بین خراونییە! *** ن.چارڵز بۆكۆڤێسكی و.ن.ف *** پەڕی 317 هەم پەتێك راكێشە، بووكەڵەیەك وەسەما دەكەوێ... پێاوەكان با بزانن كە پشیلە، ژن، كار، تایەی پێشەوەی تڕۆمبێل، پێخەف، دیوارەكان، ماڵەوە دەكرێ بە خێرایی لەناو بچن و نەمێنن. تەواوی پێویستییەكانت، تەنانەت ئەوینیش لەسەر بناخەیەكی خۆڵەمێشی وەستاون، جا بە هەر هۆكارێك چ بەجێ بێت چ بێ جێ، مەرگی منداڵۆچكەیەك لە هۆنكۆنگ یان رەشەبایەك لە ئۆهاما... بۆی هەیە بتهەژێنێ. تەواوی قاپ و قاچاخە چینییەكانی متبەخەكەت بە زەوەی وەردەبن، ژنەكەت دێت و تۆش كە لە نێوەندی رووداوەكە بە سەرخۆشی وەستاوی ئەو پرسیارەت تێهەڵدەكرێت: هەی گووببارێ هەی، ئەوە چ بووە؟ تۆش وەڵام دەدەیەوە: نازانم، نازانم... *** ن: چارڵزبۆكۆڤێسكی و: ن.ف *** پەڕی 316 هەم بەردەوام رابردوومان بەكۆڵەوەیە بۆ ئێستا و ئێستامان بەكۆڵەوەیە بۆ داهاتوو. داهاتوو هەڵی نەگری! *** پەڕی 315 هەم "كوڕە تۆ كەی بە مادە..." كە ئەو رستەیەی سەرەوەت خوێندەوە بزانە كە ئەوە نامەیەكی نیوەچڵە كە بە موبایلەكەم كە بەتەما بووم بۆ ناكەس وەچەیەكی بنێرم كە ماوەیەك بوو وەئامانی هێنابووم كە بەردەوام نووكەی دەكرد كە ویستم بە توندی بۆی بنووسم كە تەلەفۆنی كرد كە نەمتوانی تەواوی كەم كە چووە نێو سنووقی نامەپاشەكەوتەكانی موبایلەكەم كە خۆم لێ تووڕە كرد كە دیتی بەڕاستمە كە تەلفۆنی نەكردەوە كە نەكردەوە! *** پەڕی 314 هەم نازانێ لەسەر شتێك قسە نەكات، كە قسەشی كرد نازانێ قسە بەكات! *** پەڕی 313 هەم كانت كانت و نیچە نیچەت لە من داناوە. كانت گووی خوارد ئەوان چووزانن كورد چۆنە!؟ *** پەڕی 312 هەم ئەم بەقەستی رووناكبیرانە بەڕاستی سەریان لە خەڵك شێواندووە! *** پەڕی 311 هەم سەردەمە قووندەرەكە وای لێهاتووە گەر بڵێی: "بەباوەڕی من". یەكسەر لە دمت دەدەن و یەكسەر دەڵێن: "قسەی قۆڕ!". بەڵام تۆ بڵێ: "فڵانە قووندەر دەڵێ". هەر یەكسەر دەم و لیچت بۆ شۆڕ دەكەنەوە! *** پەڕی 310 هەم كۆنە دۆستێكم كە كەس نەمابوو پێی فێر نەبێ لە خوێندنگا بەردەوام نەفەری یەكەم بوو كێ دەڵێ: پیاو ناتوانی هەم شاگرد ئەوەڵ بێ هەم قەحبە؟! *** پەڕی 309 هەم گەر ئەمڕۆ كابرایەكی كاریزما بی لەوانەیە سبەی بتوانن بەربینگت پێ بگرن و پێت بڵێن: "گەوادی دیكتاتۆڕ!". بەڵام گەر ئەمڕۆ كابرایەكی سەر تاشراوی، سبەی هیچ گەوادێك بۆی نییە بەربینگت پێ بگڕێ و پێت بڵێ: "خارە
لۆ پرچت درێژ كردییە، خۆ تۆ چیژ نی؟!". *** پەڕی 308 تەم هەنار دۆ نان خورما مریشك. *** پەڕی 307 تەم بلیمەتێكم بینی ئەمڕۆ لە شەمەندەفەردا بلیمەتێكم بینی تەمەنی شەش ساڵ بوو، لە تەنیشتم دانیشتبوو و هاوكات كە شەمەندەفەرەكە هاوتەریبی قەراخی زەریا ئەی ئاژووشت و سەیری زەریام دەكرد ئەو لێمی ڕوانی و گوتی: ئێرە خۆش نییە. هەتی ئەوە یەكەمجار بوو درکم به‌و راستییه ده‌کرد. *** ن. چاڕڵز بۆكۆفیسكی و.ن.ف *** پەڕی 306 شەم هەمیشە ئەو كەسانەی بە كارێكیان یان بە شتێكیان سەرسامت دەكەن و دەبنە هۆی ورووژاندنی ئافەریمت بۆیان، دڵنیا بە ئەو كەسانە بەو كارە بە رواڵەت جێی ئافەریمەیان، شوێن گومكێی تاوانێكیان دەكەن، زۆڵێتییەكیان دەشارنەوە، جا چ ئەو تاوان و زۆڵێتییەیان كردبێ چ بەتەما بن بیكەن. *** پەڕی 305 جەم ئەو كەسانەی ئەقڵتان نایانبڕێ بەڵام وا نانوێنن، ئەقڵتان نەیانبڕێ چوونكە وا دەنوێنن! *** پەڕی 304 رەم "بە
دژهۆنیم گوت: مرۆڤی سەردەم هەر جووڵەیەكی بە هۆشیاری و بە ئامانجەوە بكات كارێكی هونەرییە." مەبەستم لە هۆشیاری شتێكی سووك و چرووكە و مەبەستم لە ئامانجیش شتێكی وەك كەرە كەرە! *** پەڕی 303 هەم ئەوە كارێكی هونەرییە: "ئەوە..
ئەو شتەی لە ناو مێشكم دایە." ئێ! نایبینی؟! بۆ پێویستە بیبینی؟! *** پەڕی 302 هەم "دەیگێم
بۆ دەهێڵم لە هەر قۆناخێكی تەمەنمدا بم بە منداڵەكانم بە كەر بزانرێم؟!" بۆ نموونە شەوێ بە دزی مۆبایلەكەم لەبن سەرم دەست دەنێ و بچن پارەكەی سەری بە حەز حەزۆكی بەگان بدەن و لەبن سەرمی دانێنەوە و منیش پەخەمە پەخمە نەزانم دوو قرتەی قووندەر داگرم بۆوەی بزانم چەندەیان بەگانداوم؟! هەی لێت بەم زیندەگیی تەكنەلۆژی كە سەرت لە دار و بەرد شێواندووە و لە ئێستاوە مزگێنیی بە كەر زانرانی داهاتوومان لێ ناشارییەوە! *** پەڕی 301 كەم "كێشەكە
لەوەدایە ئەو رێگا و دەوارەی من بۆ هەڵقەندن و هەڵوەژاردن و هەڵتۆقاندنی ئەم "من"ە بڕیومە، زۆر ئاڵۆز و بڵۆز و پێچەڵاو پووچە." بۆیە بۆوەی تووشی كێشە نەبم دەبێ تا دنیا بە دنیایە دەمم داخەم و هیچ گوویەك بۆ ئەوی بەرامبەرم نەخۆم چوونكە دەزانم هەر گوو خواردنەكەم پێ دەمێنێتەوە! *** پەڕی 300 تەم بۆو قاحپەیەی هۆنراوەكانمی دزی بازێ ئەڵێن نابێ نامەتییەكانمان بێنینە نێو هۆنراوەوە بۆوەی هۆنراوە، رەسەن بمێنێ و جا شێرو رێویشی بۆ دێننەوە. بەڵام ئەی هاوار خودێ! دوانزە هۆنراوەم تێداچوو، وەكییانم نەییە و سەرەڕای ئەوە تۆ نیگارەكانیشمت بردووە، ئەویش باشترینەكانیان. جاوەرە فججە مەكە! ئەرێ تۆش گەرەكتە، وەكی دیتران بمشكێنییەوە؟ بۆ پارەكانت نەبردم؟ بەمن لە بەركی مرۆڤی سەرخۆش و كەلاك بەس چتی ئەوها دەدزرێ. جارێكی دیكە قۆڵی چەوتم لێكەوە دەنا پارەیەكی درشتم لێبەرە بەس تخووبی هۆنراوەكانم مەكەوەرەوە! خۆ من شكسپێر نیم. بەڵام دەزانم رۆژێ دادێ هەر بەفشە، نە هێمایەك ئەمێنێ، نە چتێك تر. لەلوەشا، تا دنیا بە دنیایە و تا تڕی ئاخری، پوول و پارە و قاحپە و سەرخۆش نابڕێتەوە. تۆمەس خوڵاش كاتێ پای نابووە بان پای ئەیوەت: وادیارە شاعیری زۆرم خستۆتەوە بەس هۆنراوەی زۆر نا! *** ن: چاڵز بۆكۆڤێسكی و: ن.ف *** پەڕی
299 هەم نزیك بە سەت و شەست
گیگم فیلم هەیە و ئەوە نزیك بە چوار
ساڵە هەر دەڵێم ئەمڕۆ نا سبەی دەرفەتێك هەڵدەكەوێ
و بە وردی یەك بەیەك
سەیریان دەكەم بەڵام نا ئیتر لەوە زیاتر
خۆم بە كەر نازانم دەزانم نە دەرفەت
دەبێ نە هیچ تەرەماشێك هەر بۆیە تەنها هونەرێك
كە دەتوانم بیكەم ئەوەیە یەك بەیەك ناوەكانیان
بێنم و لەسەر كۆمپیوتێڕەكەمیان
بسڕمەوە یەكەم دانە كە نزیك
بە سێ گیگ بوو ناوی "ئاگۆڕا"
بوو جا نازانم درووستم
خوێندەوە یان نا پێم وابێ فیلمێكی
خەیاڵی وێنجووڵییە. ئەوە دووهەم دانە
دەسڕمەوە با بزانم ناوی چییە ئەها "ئاڵ ئێ باوت مای مادێر" ئارەزووم لەلایە
و دەتوانم كەڵك لە
ئینگلیزی زانییەكەی ئەو وەرگرم بەڵام وا ناكەم و
هەوڵ دەدەم خۆم لایەكی
بەلایەكی دادەم بۆ وێنە فیلمی دووهەم
پێم وابێ باسی هەمووشتێك لەبارەی
دایكمەوە دەكات. نزیك بە پێنج گیگ
بوو بە وتەی باشوورییەكان چووە تەنەكەی خۆڵەكەوە. ئەوە "ئەمێلی"یش
دەسڕمەوە پێ دەچێ لەبارەی
كچێك دابێ كە ناوی ئەمێلییە، ئەی بابە هەشت گیگ
بوو! دەبێ ئەمیلی زۆر
تەڕو تەمیز بووبێت كە فیلمەكەی ئەوەندە
قورس بوو. ئەوەش "ئاڕتیست"
ئەوەیان ئیتر دەزانم
چییە، ئەوە فیلمە قوڕە
رەش و سپییە بوو كە پارەكە خەڵاتی یەكەمی
ئۆسكاری وەرگرت ئەوەش بە دۆڵێ دا. "بانیش مێنت" ئەوەیان هەر نازانم یانی
چیش، تەنانەت ناتوانم
خەیاڵیشمی بۆ وەجووڵە بەخەم و پێشبینیش بكەم. پێنج گیگ بوو. "ئایس ئیەجی سێ" ئەوەیانم بە ئینگلیزییەكەی
بینیوە ئەوەی لەلامە و بەتەمام
بیسڕمەوە و دوو گیگ دەبێ دوبلاژی فارسییەكەیەتی ئەو جارە ویستم هەندێكی
سەیر بكەم هەتی ئەو سەگبابانە
دڵداری دوو سمۆرەی وێنجووڵیشیان سانسۆڕ
كردووە هەتی ئەوانە چین؟! ئەو حەیوانانە. كارم بە بەشی سانسۆڕەكەی
نییە شەرت بێ خۆمان زۆر
بەهێزتر و جواترمان لە فارسییەكەی
دوبلاژ كردووە ئەویش ئەو فارسە
تڕ زلەی لە بواری دوبلاژدا
ئەو هەموو فشە فشەیان هەیە، هەر باشتر كە دەیسڕمەوە، تاقەتی ئەو تاقمە
پاوانخواز و باندە دوبلاژە نەگۆڕە قوڕەی ئێرانم نییە، بە دۆڵێ دا. فیلمی " چێڵد
ئاف دێ تراسیس..." لە چێڵد و ئاف و
دێیەكەی حاڵی بووم ئەوەی دیكەشی زۆر
دوور و درێژ بوو هەر بۆیە لێی گەڕام، گیگێكیش نابێ هەر بە قەبارەكەشی
را دیارە هێندە شتێكی خاوێن نییە ئەوەش فت. "دێ فاوڵ تەپاڵ" ئەوەش وا دیارە باسی
هەڵە و شت دەكات، دەی بەهەرحاڵ بەدۆڵێ
دا، چوار گیگ بوو. "دووبلە"؟ نازانم بۆ ناوی دووبلەیە تۆ بڵێی ئینگلیزییەكەشی
هەر ئەو ناوە بێ؟ باوەڕ ناكەم پێ دەچێ كاتی خۆی
مەسعوود كە ئەو فیلمانەی پێدام لە خۆڕا ناوی ئەو
فووڵدێرەی دووبلە نابێ. دوو گیگە با بڕوات. "ئینیستێین" ئەو ناوە قۆڕەی بە دۆڵێ دا. "فریدا" ئەوەیانم دیتووە حەك لە درۆیە ئەی بۆ هێشتوومەتەوە؟ خۆ من هەر فیلمێك
سەیری بكەم دەسڕمەوە دەی كوڕە ئەوە ویستم
بڕێك من من بكەم دەنا لەبەر ئەوە
هێشتوومەتەوە چوونكە پێم خۆش بوو چوونكە فریدا شێوەكار
بوو لەوانەی لەبەر ئەوەم
هێشتبێتەوە جارێكی دیكە سەیری بكەمەوە لەوانەشە بۆ خۆ نواندن
كە من فیلمی ئاوام هەیە و ئاڵوگۆڕی فیلمی لەگەڵ
ئەم و ئەو پێ بكەم. بەهەرحاڵ فریدای ئازیزیش بە
دۆڵێدا. فیلمی "گلۆریا" ئەوەیان بە ناوەكەی
را لە فیلمی چاك دەچێ، دیارە مانای ناوەكەی
نازانم تەنیا بە مۆسیقای
وشەكەرا دەڵێم هەست دەكەم فیلمێكی
هونەرییە، نە هیچم لەبارەیەوە
بیستووە نە هیچیشم لێ دیتووە ئەوەندە دەزانم هەستێكی
خۆشم بۆی هەیە. بای بای گلۆریا! "گرەی" ئەوەندە دەزانم حەڵقەی
ئاناتۆمی گرەی نییەو فیلمێكی پاڵەوانێتی
لە دەشت و دەرە و هەست دەكەم بینیومە جا نازانم، با ئەوەش فت بێ. "ئیف ئۆنلای" ئەم فیلمە پێم وابێ تێخە
و رێخەی زۆری تێدایە یانی فیلمێكی بەقەولی
سەردەمی گەنجی پڕ لە سەحنەیە لەبیرم بێ كەریمە
رەشەی خۆمان پێیدام هەست دەكەم جێگا
جێگاشم سەیر كردووە بەس بۆ ئەوەی بزانم
چی بە چییە و دواییە بەتاقەت زگی بۆ دادەم بەڵام دەی كوڕە ئەوە لەگەڵ ئەوەشمان
نەكرد. فیلمی "ئیرۆن
لێدی" كە دڵنیام لە دەربڕینی ناوەكەی
دا هەڵەم كردووە، فت. فیلمی "ماندۆلین"
لەو فیلمانەیە ئەگەر لە كۆڕێك دا
هەر لەخۆڕا باسی
فیلم بكرابایە و بگوترابایە ئەرێ
ئەو فیلمەت بینیوە لەوانەبوو بە درۆ
بمگوتبایە: ئااااااا ناوەكەی
زۆر ئاشانایە پێم وابێ دیتوومە، ئەرێ چۆن بوو؟ دەی لێی گەڕێ با ئەوەش وەك تڕی بن
گۆم بچێ. فیلمی "ماش"
ئەوە چ فیلمێكە؟ تەڕەماش! بە دۆڵەكەیدا! "میسینگ" ئەوەش نازانم چییە. خش! "فانتۆم ئاف ئۆپێڕا" باشە فانتۆم و ئۆپێرا
كوجا مەرحەبا؟ سەیرە بای بای كاك فانتۆم. "پۆست مەن" هەمان پۆستە چی خۆمان ئەوەش تاریف زۆر
بیستووە هەر لە خۆڕا وەبیر
ئەو فیلمە سیكسییەم دەخاتەوە كە بە نەوجەوانی
دووسێ جارم دیتبوو ئەو پۆستە چییەی
كە نامەی بۆ ماڵی هەركەس دەبرد دەستێكیشی دەگا. كاكی گانكەر ئەوەتۆش
بەدۆڵێدا. كارتۆنی "رانگۆ" وەڵام پێم حەیفە
ئەوەیان بسڕمەوە هەر بەتەما بووم
سەیری بكەم و دەرفەت نەبوو تا ئێرە تەنیا فیلمێك
كە بە خەفەتەوە دەیسڕمەوە ئەو كارتۆنەیە هێندەم لە تەلفزیۆن
رێكلامەكەی بینیوە وەختە قووندەر بم
بۆ بینینی بەڵام دەی ئەوەش لەوە. فیلمی "رۆمانسی"؟ نازانم، بەدۆڵێدا. فیلمی"..."
ئەوە بۆیە ناوم نەهێنا
چوونكە فیلمەكە توركی بوو و كاتی خۆی بەتەما
بووین لەو تەلەفزیۆنە قۆڕەی خۆمان دا بە
دوبلاژی كوردی بڵاوی بكەینەوە باش بوو نەمان كرد، بە ناو و جەد و ئابادیشییەوە
بە دۆڵێدا، تەنیا فیلمێكیش تا
بە ئێرە بە سوكنایی دڵەوە دەیسڕمەوە تف لە رەگەز پەرستیی
تورك و بژی ئازادی و سەربەستی
كوردانی باكوور. "شارۆن ستۆنی" ئەو ناوە هیچەی، فت بە! "دێ دڕامێرس" نازانم یانی چی، بای بای دێ و گوندی
دڕامێرسی بەڕێز. "ویرگەل ویلدریچ" و " زەنان و دۆختەران"
و " باد مارا
خواهەد بورد" و "بیا بهێشت را ببین" و "دەفتەرچەی خاترات" و "دونباڵە رەو" و "شێرلووك هۆڵمز" یش بە جارێك بە دۆڵێ
دا. تەنها "قاوەی
تاڵ"ی فارسەكان و "فلمە تڕاژدییەكەی مەحسوون" و " بەردەباران
كردنی سوڕەیا" دەهێڵمەوە و ئەو چەند شڕە فیلمەی
دیكەش كە هەر بایی ئەوە نین ناویشیان بێنم بە جارێكی بە چارەنووسی
تڕی بن گۆمیان دەبەم و دەڵێم: دەبڕۆن ملتان شكا
خۆ من ئەوە چوار ساڵە دەتانهێنم و دەتانبەم دەزانن چەندەتان
كات لێ كوشتووم هەی بەكەم بن! *** پەڕی 298 تەم شێعرە بەرنامەی 1 بەشی یەكەم - "لەبیرم بێ سبەی
بۆ پڕۆژەكەم سەردانی زاگرۆس بكەم." ئەو رستەیەی سەرەوە قسەی شەش مانگ لەوە پێشە چووم و پێشوازییەكی چاكم لێ كرا و پێیان گوتم باشە و چاوەوەڕوانی سپۆنسەر بكە. دوای چەند جار چوون و ئەملاو و ئەولا و پرسینی هەواڵی بوو بە چییی كارەكە و كڕینەوەی پڕۆژەكەم لەلایەن ئەوانەوە و دانی پارەیەكی هیچ لەبری پێشەكی پڕۆژەكە بە من
و دەمكوت كردنم ئەمڕۆ كە ئەوە بۆ حەوت مانگەی ئەو رووداوە دەچێ
من هێشتا هەر بێكارم و هاوسەرەكەم بەخێوم دەكات و كاك زەهاویی تڕەماشیش تەنانەت وەڵامی تەلەفۆنەكەشم
ناداتەوە. - "ئامادە كردنی پڕۆژە
بەرنامەی لەقاودانی ژن نەدیوێتییەكانی نێرەكانی ئەم نیشتمانە كە پێشتر لەلای خۆم بەناوی گەمژستان
تۆمار دەكرا و لەلای كەسانی دیكە وەك نامە و بابەتی رۆژنامەوانی
سەیر دەكرا و بەتەما بووم بیكەم بە كتێبێكی بەڵگەیی سەت و
پەنجا لاپەڕەیی بۆ سەرەوە ." - "وەرگێڕانی كتێبێكی
هەنەكدار (تەنز) و تێكهەڵكێشانی قسەكانی سكی خۆم وەك كۆمەڵێك
بابەت بۆ هەر جێیەك كە بۆم بڵاو بكەنەوە بۆ بەدەست هێنانی بڕێ پارە
و پوول بۆ بژێو و شتی وا." ئەو بەرنامەیەی سەرەوە هەمان ئەو بابەتانە بوون
كە بەتەما بووم بۆ ئاشكرا كردنی هەندێك ئیمەیلی ژن نەدیوەكانی ئەم
گەمژستانە و هەندێكی ئیمەیلی خۆم و هەندێك شێر و رێوی و لێكدانەوەی
خۆم بیكەم بە كتێبێكی هەنەكدار. وەرگێڕانەكانم به ناچاری و بۆ بژێو بە ناوی خوازراوی كچانەی نەسرینەوە
بە ئیمەیل بۆ كاك سەلامی ژنێ برام دەنارد به‌شکم به‌بۆنه‌ی ژن مردوویه‌تییه‌که‌ی بۆم بڵاو بکاته‌وه و به‌م شێوه‌یه زیاتر لە سەت گرێ و ئوقدەی ئەو بەڕێزەم لە وەڵامی ئیمەیلەكانی دەست كەوت بەڵام سەرەرای ئەوە وازم هێنا و بە خۆم گوت كوڕە تێی هەڵدە حاشا لەو كتێبە و لە بۆتسی تاجی خۆ ئاوا بڕواتە پێشێ هه‌ر ده‌ڕواته پێشێ و خۆشم كەر دەبم. هەر بۆیە له‌م خێره خۆش بووم و بۆ ئەوەی ئه‌و بابه‌ت و كارانه‌م که به ناوی هەنەك ئامادەم كردوون بەزایە نەچن بەتەمام بەناوی خۆمەوە بۆ گۆڤاری رامانیان بنێرم و پێشنیاری كردنەوەی بەشێكی نوێ بەناوی هەنەكیان
پێ بدەم و پێیان بڵێم گۆڤارەكەتان لەمە بەدوا لەقەبارەی
كتێب دا چاپ بكەن با بەهاسانی لەناو كتێبخانەی كوردی دا جێی یبێتەوە خۆ گۆڤارەكەی ئێوە هەواڵ و بابەتی رۆژانەی ماوە
بەسەرچووی قۆڕ بڵاو ناكاتەوە كە هێشتا هەر قەبارەكەی وەك هی زەمانی تەیارە رەشەكەیە.
دیاره وک ماستاوێک ده‌نا کێ ده‌ڵێ وایه.. - ناردنی بابەت بۆ پاشكۆی
هزر و هونەری خەبات بەناوی خۆمەوە بەشكم مادام بەناوی نەسرین بەهۆی ئەوەی لاقوزم پێ نیشان نەدان و بابەتەكانیان
بۆ بڵاو نەكردمەوە بەناوی خۆمەوە بۆم بڵاو بكەنەوە. ئەو رستەیەی خوارەوەم دوو حەفتە دوای ناردنی
بابەتكە نووسیوە: "بابەتێكم بڵاوبۆتەوە دەبێ بچم پارەكەی وەربگرم، پارەی مانگی نۆ" ئەم رستەیەی خوارەوەم دوو حەفتە دوای بڵاو بوونەوەی
یەكەم بابەتم نووسیوە: "دوو بابەتی دیكەشم بڵاو بۆوە و پارەكەشم وەرگرت خراپ نەبوو لە هیچ هەر چاك تر بوو، دوو مریشكی زیندووم پێ كڕی و هەر لەوێ سەم بڕین." - سەردانی رامان بۆ وەرگرتنی
پارەی چیرۆكی وانێك و هەمین و دانی چیرۆكی نوێ "هەم پارەم وەرگت هەم چیرۆكی نوێشم پێدان هەروەها پێشنیارم پێ كردوون گەر حەز بكەن بەشێكیان لەسەر هەنەك (تەز) بۆ بەڕێوە ببەم. لەبیریشم چوو پێشیناری بە كتێب كردنی قەبارەی گۆڤارەكەیان پێ بكەم," هێشتا هیچ هەواڵێكیان نییە، ئەوە قسەی مانگێك لەوە پێشە. - دۆزینەوە و ناردنی ئیمەیل
بۆ گۆڤارێكی كۆمەڵایەتی یان ژنان بۆ بڵاوكردنەوەی زنجیرە پەروەردەییەكەی منداڵان ئەو زنجیرەیەی دووسێ جاران لەسەر گەمژەییەكانی بەڕێوەبەرانی رۆژنامەكانی ئەم گەمژستانە
درێژەی نەكێشا و لە بڵاو بوونەوە و درێژە كێشانی وەستا. "جارێ كەس پێشوازی لێ نەكردووە، دەڵێم بینێرم بۆ رۆژنامەی ئاسۆ" ئەوە قسەی دوو حەفتە لەوە پێشە كە زنجیرەكەم بۆ زیاتر لە دە جێگا ناردبوو. رقم لە سەرنووسەری پێشووی ئاسۆیە چوونكە گوتبووی كاتی كۆرەوەكە یەك كەبابم لە پیاوەتی رۆژهەڵاتییەكان
خواردووە ها ئەوەش پارەی كەبابەكەتان و گوو بە پیاوەتیتان. "هه‌ر له‌م پێوه‌ندیه‌دا خۆم و ئارەزوو چوونین بۆ گۆڤاری گوڵان بەڵام بەداخەوە لەوێش لەگەڵ دوو گەمژەی مێژوویی
بەرەورووبووین یەكەمیان سەنووسەر و ئەویتریان بەرپرسی لاپەرەی
كۆمەلایەتی بوو، زۆر بە دەگەمەن ئەوەندە مرۆڤی گەمژەم بینیوە، كە لە دەرگا دەهاتینە دەرێ هەستم بە قورساییەك
لەپشت سەرم كرد كە ئاوڕم داوە ئەو خانمە گەمژەیەی بەرپرسی لاپەڕەی
منداڵان خەریك بوو بە شەرەفی ئێمە پێ دەكەنی پێكەنینێكی زۆر سووك و رەق و ناخۆشی بۆ گاندەرەكەی دیکه‌ی سەر كامپیتێڕەكەی به‌ر ده‌رگا كرد و ئێمەش لەوێ چووینە دەرێ. - پڕۆژەی بەرنامە تەلەفزیۆنییەكە
ئەگەر لەلایەن زاگرۆسیشەوە بەڕێوە نەچوو ئەوە دەیبەم
بۆ تەلەفزیۆنێكی دیكە." ئەوە قسەیه‌ی سەروە هی پێش ئەوە بوو كە پارە حیزەكەم
بدەنێ و بەشێكی پڕۆژەكەم لێ بكڕنەوە. زاگرۆسی تڕن رۆژێك دەڵێ دووحەفتەی دیكە رۆژێك دەڵێ دوای رەمەزان رۆژێك دەڵێ دوای سەری ساڵی تازە دەست پێ دەكەین ئاخر كەی دەست پێ دەكەن هەی تڕنانە. ئەم قسەیەش هی پێنج شەش مانگ لەوە پێشە: "زاگرۆس بەتەمایە پڕۆژەكەم لێ بدزێ ئەورۆژە زەهاوی تەلەفۆنی بۆ كردم و گوتی: لەلای كەس دەنگێ مەكە بەرنامەكەی تۆ وەك بیرۆكە
شتێكی جوانە بەڵام دەبێ پێی زیاد بكەین، ئەم قسەیە یانی دەمانهەوێ لەبن دەستی خۆتی دەربێنین،
ئەوە دوومانگە من بێكارم و چاوەڕانی جەماعەتی
زاگرۆس دەكەم ئەگەر
ئاوا برواتە پێشێ من زۆر ناهومێد دەبم." ئه‌وه قسه‌ی پێنج مانگ له‌وه پێشه، - "لەبیر نەكردنی
سەردانی تەلەفزیۆنە ناوخۆییەكانیش." هەر دەستەو بەجێ ئەو رستەیەی سەرەوەم ئاوا رەت
كردۆتەوە: "لەوانەیە پێویست نەكات" ئەوە قسەی شەش مانگ لەوە پێشە، لەوانەیە هۆكاری ئەوەی سەردانی تەلەفزیۆنە ناوخۆییەكانم
بە پێویست نەزانیوە هی ئەوە بووبێت كە ئەوانم زۆر كەمتر لەوە بینیوە
كە من تێیاندا كار بكەم. هەر واشە لەوانەیەی بۆ چییە. ئەوە شەشە مانگە یەك تەلفزیۆنی ناوخۆیی نەچووم
بۆ كار چوونكە هەموویانم پێ فشەیە. تەنانەت دوای ئەوەی لە تیڤی ئیفێكت نەمام یەك جاریشم
سەردان نەكردنەوە درۆ نەبێ جارێكی دوای چوار مانگان سەردانێكی خێرام كردن و گوتم بەو پارانەی دەڵێن كار ناكەم ئەوان بەتەمابوون وەك ئەو حیزانەی خۆیان بە پارەیەكی
كەم كاریان بۆ بكەم بەڵام من بەكەم رازی نەبوو تەنانەت بە نرخی ئەوەی ئێستاش هەر بێكارم. وام چاو ترسێن كردوون هەر لێشم ناپرسنەوە هەرچەند ئەوكاتیش هەر من
باش حاڵم دەگرتن هەموویان لێم پڕ بوون ئەم چارەنووسە هەر دەبوایە رووی بدابایە. لێیان بێ منەت بووم. لێیان وەرەز ببووم. هیچ هەوڵێكم بۆ لەدەست نەدانی كارەكەم لەوێ نەدا. دەكرا بە هەندێك نەرمی بچووبایەمەوە سەر كارەكەم
بەڵام نا زۆریان لێ پڕ بووم و زۆرم لێ پڕ بوون بۆیە فت پێشم خۆشە كە وای لێ هاتووە. ئای که له‌وێ رقم له شالیار ناوێک بوو ئه‌وکه‌سه‌ی بووه‌هۆی هه‌موو کێشه‌کانمان که‌سێکی دووروو که‌سێکی که له داهاتوودا زۆرتری له‌سه‌ر ده‌رۆم. - "پارەكەی كوردستانی
نوێم لەبیر نەچێ لێیان وەرگرمەوە" ئەو رەستەیەی سەرەوە قسەی شەش مانگ لەوە پێشە بە مەحموودم گوتبوو پارەكەم كە سەت و پەنجا هەزارە لەو سەگبابانە وەربگرەوە ئاخرییەكەی پێیان نەدامەوە و بە قوزەڵقۆرتیان كرد. زۆرم پێ خۆش بوو زانیار وەری گرتبایە ئاخر ئەو چەند جار زەحمەتی وەرگرتنی پارەکانی پێشووی بۆ
كێشابووم و هەستم دەكرد پێی قەرزدارم بۆیە بەویشم گوت بچێ لێیان بستێنێ ئەوانیش گوتبوویان باشە و دوایەش پێیان نەدابوو هەی بە زەهەری ماریان بێت كاكە حەقی خۆم بوو پارەی شەش بەشی رێكی زنجیرە پەروەردەییە جوانە
مەرگەكەم بوو. *** پەڕی 297 تەم شێعرە بەرنامەی 1 بەشی دووهەم - "پارەكەی حەمەم
لەبیر نەچێ لێی وەربگرمەوە 50 هەزارە" پێم خۆش نییە وابێتە بەرچاو كە من تڕ و منەت
دەكەم بەڵام زیاتر لە پەنجا دانە پەنجا هەزاریم تا بە ئێستا راستەو خۆ و دەستی و ناراستەوخۆ
و بە شێوەی جۆراوجۆر داوە بەم و بەو بەڵام تەنانەت نازانم بە كێشم داوە و چاوەڕوانی ئەوەشم
لەكەس نەبووە كە یەك فلسیشم بدەنەوە بەڵام بەشەرەف رێك لە باروودۆخێك حەمە پارەی
لێ بەقەرز وەرگرتین كە خۆشمان پارەمان پێویست بوو من بێكار بووم و ئارەزووش نەچووبۆوە سەر كار. بەگیانی نازانم كێ ئەگەر من دارا بم سەلماندوومە و دیسانیش دەیسەلمێنمەوە ئەگەر رۆژێك
پارەدار بم كەس بەقەد من یارمەتی ئەم و ئەو ناكات. -" لێم وەرگرتەوە." زۆرم پێ ناخۆش بوو لێم وەرگرتەوە حەزم دەكر هەرچەند بە قەرزیش لێی وەرگرتبووم
لێی وەرنەگرمەوە و خۆم لە گێلی بدەم و لەبیر خۆمی بەرمەوە پێم ناخۆش بوو كە تا پێی دامەوە یەك دووجارم
پێ گوت. - "پارەكەی كۆمپانیام
لەبیر نەچێ هی رێكلامەكان و هی سێ چوار هەڵقە پیاوەتییەكە لێیان بستێنم." ئەو قسەی سەرەوە هیچ كات نەهاتە چوونكە نە دڵم بڕوایی دا جارێكی دیكە بچمەوە
بۆ ئەو تەلەفزیۆنە قۆڕە و دەشمزانی كە ماڵم خوراوە و چاوم پێیان ناكەوێ. - "لێم ناوێن بە قوزەڵقۆرتیان
بێ." ئەوە رستەیەی سەرەوەم دوای چەند رۆژێك نووسی. - "نووسینی سیڤی بۆ
ئەو تەلەفزیۆنەی كە قەرارە وەزارەتی رۆشەنبیری بۆ منداڵانی دابمەزرێنێ." ئەوەش قسەی چەند مانگ لەوە پێشە بەڵام بەداخەوە تەنانەت وەڵامی ئیمەیلەكەشمیان نەداوە. - "ئامادە كردنی كتبێبی
گون و گاڵتە بۆ چاپ." ئەوە قسەی دەمێكە بەڵام ئێستا كتێبەكەم ئامادەكردووە و ناردوومە بۆ وەزارەتی
رۆشنبیری بۆ چاپ جا نازانم لەوێش پەسەند دەكرێ بۆ چاپ یان نا؟ - "هەوڵی نووسینی
یەكەم رۆمانی ژیانم." ئەوەش قسەی دەمێكە هەر ئەوكات چەند رۆژێك پێیەوە خەریك بووم و نزیك بە دە پازدە لاپەڕەیەكم نووسی بەڵام دیسانیش وەك زۆر بەی كارە نیوەچڵەكانی
دیكەم ئەویشم بە نیوەچڵی جێ هێشت بەڵام دڵنیام دەگەڕێمەوە سەری ئاخر چەند رۆژێكە قوونەجووڕەم تێ كەوتووە بۆ
درێژەدانی. درۆ نەبێ یەك دووجاری دیكەش هەوڵی نووسینی رۆمانم
داوە یەكیان بەناوی "یاد"، ئەوی دیكەیان بەناوی "مڵە"، یاد هیچ شتێكم لێی نەماوە بەڵام مڵە نزیك بە حەفتا هەشتا لاپەڕەی دەست
نووسیشم لێ نووسی بەڵام وازم لێ هێنا ئەگەر دەرفەت هەبێ و دڵ و دەروونم هەبێ ئەو دەكەم
بە دووهەم رۆمانی ژیانم ئەگینا ئەوە هیچ و ئەویش بەدۆڵێدا. - "ئەوە ماوەیەكە
بابەتی جاڕنامەی گەردوونی مافەكانی منداڵان لە رۆژنامەی ئاسۆ كە كاری منە بڵاو دەبێتەوە بە بێ ئەوەی تەنانەت ناویشم بهێنن. ئاوایە ئیتر." ئەوە قسەی یەك دوو مانگ لەوە پێشە. - "كار كردن بۆ رادیۆ،
پڕۆژەی رادیۆیی، خوێندنەوەی چیرۆكی شەو بۆ منداڵان یان ئامۆرژگاریی پەروەردەیی بۆ دیاك و باوكان
یان هەر شتێكی تر كە پێوەندی بە منداڵانەوە هەبێت
و بكرێت لە رێگەی رادیۆوە بكرێت." ئەم پێشنیارەم بە هێرۆ دا بەڵام ئەویش وەك زۆربەی رۆژهەڵاتییەكان كە گرفتاری دەردی لەبیر خۆبردنەوەن لەبیر خۆی بردەوە و ئەویش و زۆربەی ئەوكەسانەی من هەمیشە لەبیرم
بوون كە بە بانگكردنیان بۆ دووبلاژ شتێكیان دەست بكەوێ هەر جارێكیش یەكیشیان پێی نەگوتم ئەرێ كاكە تۆ ئەوە شەش حەوت مانگە
بێ كاری چ دەكەی با كارێكت بۆ ببینینەوە. - "كێشانەوەی شێوەكاری
بۆ چیرۆك و نەقاشیی منداڵان، لە رۆژنامە و گۆڤارەكانی هەرێم." ئەوەم پێشتر كردوو بەڵام بەڕاستی ئەمجارەیان بە ئانقەست نەچووم بەخۆم دەگوت: ئەوە مانگی یەك یان دوو دانە نەقاشیشم بڵاو بۆوە خۆ بەزیاد نەبێ دەبێ بۆ وەرگرتنی پارەكەیان ئەوەندەی پارەی كارێكیان خەرجی رێگا و كرێ تاكسی
بكەم. - "بردنی پڕۆژەیەك
بۆ تەلفزیۆنی هەولێر." زۆرم بیر لەو قسەیەی سەرەوە كردەوە دواتر بڕیارمدا هیچ پڕۆژەیەك بۆ سەتەلایتی هەولێر
نەبم ئاخر بەڕاستی شاشەیەكی پیس و بێ نرخ و هیچ و
پووچە مرۆڤ لە شاشەیەكی ئاوا بێ قیمەت بێ قیمەت دەبێ تەلفزیۆنێك كە بە ئەقڵییەتی سایقەكانی بەڕێوە
دەچێ چۆن دەبێ پیاو كاری تێدا بكات. - "كاركردن وەك دووبلێر
لە تەلەفزیۆنی جێم كوردی." خودا هەڵناگرێ مەسعوود تاكە كەسێك بوو كە لەدوای
بێكاری ئەو پێشنیاری كار كردنەی پێدام بەڵام وەك من بیستوومە ئەم تەلەفزیۆنە سەر بە
كۆماری ئیسلامی ئێرانە و جێی مەترسییە بۆیە زۆر تامەزرۆ نەبووم بچم كاریان لەگەڵ بكەم بۆیە نەچووم. - "پاك نووسی دەست
نووسەكانم." یەك دنیا تڕەهات و فشقیاتی دەست نووسم هەیە نازانم كەنگێ دەرەقەتی ئەوە دێم دانیشم تایپیان بكەم و لە فەوتانیان رزگار بكەم ئاخر كاكە هەرچی بێ فشە فشەكانی دەروونی منن هەرچەند بەشێكی زۆریانیشم بە شێوەی جۆراوجۆر
دووبارە لە كارە نوێیەكانمدا نووسیوەتەوە بەلام هیچ نییە هەر رۆژێك دێم و تایپیان دەكەمەوە ئاخر قەرارە بچین بۆ خاریج و ئەو هەمووشتەم خۆ پێ لە كۆڵ نادرێ لێرەش ناتوانم بەجێیان بێڵم دەزانم ئاو ئاو دەچێ. دەبێ زبڵە وەرەقەكانیشم لەبیر نەچێ چوونكە ئەوانیش شتی زۆریان تێدایە كە دەبێ تۆماریان بكەمەوە. - "چاو خشاندنەوەیەك
بەسەر دنیای منداڵان و پاك نووس كردنەوەی ئەو چیرۆكانەی بۆ دنیای منداڵانم
نووسیوە و دووبارە بڵاوكردنەوەیان لە وێبلاگی منداڵ." ئەمەش ئاواتێكی گەورەیە هەم كارەكانی سەردەمی پێشمەرگایەتیم كە بۆ منداڵانم
كردوون هەم سەردەمی دانیشتنم لە هەرێم دەبێ رۆژێك بێم و بە جوانی كاریان لەسەر بكەمەوە
و دووبارە بڵاویان بكەمەوە هەرچەند بەشێكی زۆری ئەوانەی هەرێمم لە وێبلاگی منداڵ دا بڵاو كردۆتەوە بەڵام هێشتاش بەشێكی زۆریشم ماوە كە بڵاوی بكەوە. - " بەردەوام مانەوە
لەسەر نووسینەوە ئەم بەرنامانە." ئەم قسەیە هەر هی ئێستا نییە بەڵكوو من لە سەردەمی مێرمنداڵیمەوە بەردەوام بەرنامەی رۆژانە و بەرنامەی چ بكەم و چ نەكەم دەنووسم. *** پەڕی
296 شەم ئامۆژگارییەكی هاوڕێیانە
بۆ زۆربەی گەنجان هەڕۆنە تەبەت. غارە وشترێ بكەن. لۆ خۆتان دەرزی ئایینی
وەخوێنن. قۆنەرەكانتان شین
كەن. ریش دانێن. دنیا بە بەلەمێكی
قاقەزی تێ تەقێنن. با رۆژانە رۆژنامەیەكی
وەك ساتێڕدێیئیوینینگ پۆستتان بۆ بێتە بەر دەرگا. تەنیا بە لای چەپی
چەنەتان چت بجوون. ژنی یەك پێ بێنن. ریشتان بە قۆتراش
بتاشن. ناوتان لەسەر پیلی
ژنە یەك پێكەتان بەخاڵ بكوتن. ددانەكانتان بە بەنزین
بشۆن. بە رۆژ بخەفەن. شەوگەل بەدارا رۆچن. ببنە سۆفی. ئارەق سەگی و ئاوجۆ
بخۆنەوە. سەرتان بخەنە بن
ئاو و ویۆلۆن بژەنن. لەبەر دەم مۆمە پەمەییەكان
سەمای سك بكەن. سەگەكەتان بتۆپێنن. خۆتان بۆ بوونە شارەوان
بپاڵێون. لە بۆشكە زیندەگێ
بكەن. بە تەور بە تەپڵی
سەرتان دادەن. لە بن باران گوڵە
مێلاقە بچێنن. بەڵام شێحر مەڵێن.
*** چارڵز
بۆكۆڤیسكی و:ن.ف *** پەڕی
295 جەم ی ا ز د ە س ا ڵ ە . . وەڕەزم! *** پەڕی
294 رەم تاقیم
كردۆتەوە هەمیشە
ئەو كەسانەی لە دەورووبەرمن، ئەو
كەسانەی برادەرمن كەسمن یان شتێكمن، ئیستیعداد
و زەرفیەت و تایبەتمەندیی دووركەوتنەوە
و هەڵوەشاندنەوەی پێوەندی و هاوسۆزیی
نێوان خۆم و خۆیان تێدا بەهێزترە تا پێچەوانەكەی. بڕاستی
مرۆڤ بۆ هێندە دابڕان خوازە؟! ئەویش
دابڕانێك نەك بۆ خۆ دۆزینەوە بەڵكوو
بۆ تۆ
بزركردن!؟ *** پەڕی
293 هەم رقم
لە گریان و پێكەنینە تف
لە هەموو هەستەكانی مرۆڤ لە
هەستی ئەوینی لە
هەستی نەفرەتی لە
هەستی بەزەیی چوونكە
هەموویان دەخەڵییان تێدا دەكرێ هەر
بۆیە تەنها
سڵاو لە هەستی ئێش و ژانی تاكە
هەستێكی كە دەخەڵی نازانێ! *** پەڕی
292 هەم شەوانە
كاتی خەو و بەیانیان كاتی رابوون بەرادەی
گیرۆدەیەكی دەرمانە هۆشبەرەكان كە
ترسەنۆكانە بڕیاری داوە وازیان لێ بێنێ لە
بالیفەكەم و پێخەفەكەم ددان چیڕدەكەم! *** پەڕی
291 كەم هەرچی
وتوومە، نووسیومە. بۆیە ئەو
وتەیەی دەڵێی: من وتوومە، من
نەموتووە چوونكە
ئەگەر من وتبام ئەوەتا
وەك ئەمە دەمنوونسی! *** پەڕی
290 دەم لەم
شارەدا لە قوزی دایكی بەربۆتەوە، بۆیە
ناڵێم "لەدایك بووە" چوونكە هەموو
لەدایك بەربوونەوەیەك لەدایك
بوون نییە. لەم
شارەدا شەیتانی بووە، ناڵێم
"خۆی ناسیوە" چوونكە خۆی
نەناسیوە. لەم
شارەدا بە گوێ هەڵكێشراوە، ناڵێم
"گەورە بووە" چوونكە دەزانم
قەت گەورە نابێ. لەم
شارەدا بە ملی ئەم شارەوە بووە، كەچی
تەنانەت سێ
شەقام و سێ
شوێنی ئەم شارە پێ نازانێ! *** پەڕی
289 هەم هۆكاری
پەتک كرانمان لەلایەن پەتك كەرانەوە: هی
هاوشێوە بوونمان و باو
بوونمان و ئاسایی
بوونمان و رەشە
بوونمان و ساویلكە
بوونمان و خۆفرۆش
بوونمان و ترسەنۆك
بوونمان و هی
كەرێتی و سەگ و سەگبابی و گەوادی
و بێ شەرەفیمانە دەنا بۆ دەبێ پەتك بكرێین ئاخر! خۆ
ئێمە تاژی راوێ نین دەیگێم؟! *** پەڕی
288 تەم ئەوان
گیا خۆرەكان دەڵێن: "ئێمە لە بنچینە و بنەڕەتەوە گیا خۆر بوووین و باو
باپیران و بنەچەكمان گۆشت خۆر نەبووون." ئەمنی
گووخۆریش دەڵێم: "بۆ گەڵا، لق و پۆپ، میوە و جەستەی گیاكان گۆشت
و لەشی پڕ لە گیانی ئەوان نییە ئاخر؟!" *** پەڕی
287 تەم لە
دەفتەرە بۆهاتەكەی بن سەرم كە
بۆ تۆمار كردنی بۆهاتەكانی
دۆخی زیندەخەویمم داناوە رستەیەكی
ئاڵۆز و بێ سەرەوبەرەم نووسیوە كە
هەرچی دەكەم نە
بۆم دەخوێندرێتەوە نە
بۆم سەرێك دەخرێتەوە نە
لێی حاڵی دەبم! من
دڵنیام ئەو رستەیە گەورەترین
و بەهێزترین و كاریگەرترین رستەی
تا بە ئەمڕۆی ژیانی مرۆڤایەتییە كە
بەداخەوە لەگەڵ ئەوەی خەتی
خۆشمە پێم ناخوێندرێتەوە! *** پەڕی
286 شەم بۆ
ئەوەی كاتەكانت بە فیڕۆ نەچێ لە
كاتێكدا كە كەسێك هاتووە بیدوێنی بەر
لە هەمووشتێك وای دابنێ ئەو كەسە گەمژەیە و هیچ
ژیرێتییەكی بۆ تۆ پێنییە و دواترەكەی
كورتی ببڕەوەو شوێنی
رووداوەكە بەخێرایی بەجێ بێڵە، نەكەی
وا بزانی خۆت ژیری و بە دواندنی كاتەكانت بە فیڕۆ بدەی! *** پەڕی
285 جەم - دابەزین هەیە! ((دەڵێی بە زۆر گاویانە دەنگی
دەرنایە)) - دادەبەزێ! ((بە من چی
لەخۆڕا خۆم مشەوەش كردووە؟!)) قنگم
دابەزی، قنگم
محەجەبە بوو! *** پەڕی
284 رەم چیرۆكی
ئەو كابرایەی گرێی
لە بیر چووبۆوە و بە
قەیتانەكانی پێڵاوەكانی را بەوشتەی زانی بوو. *** پەڕی
283 هەم كاتێك
دڵم دەشكێ و دەچم لەبەر ئاوێنە چاو لە چاوەكانم دەكەم چەندە
چاوەكانم لە چاوەكانی دایكم دەچێ خودایە!!! *** پەڕی 282 هەم هەمیشە ئەو كەسانەی لە دەورووبەرتن
و رێك ئەو كارە دەكەن كە تۆش دەیكەی، بایخ و گەورەیی كارەكانی تۆ نابینن. ئەوان یان كاردزی لە بۆسە دانیشتوون، یان كوێری بە دانستەن، یان نەیاری یارنوێنن، یان ئێرەیی كەری كەرن و كە دەبینن بۆخۆیان هیچ گوویەك
نین حەز ناكەن تۆش ببی بە هیچ گوویەك! *** پەڕی 281 كەم مرۆڤ لە رەگەوە شتێكی رەگ ئەوەی ماستاو چییە، هەرچی شێعر و مێعر و بەستە و ماستاوی خەستی نووسینییە بۆ دایكی نووسییه، بەبێ ئەوەی بۆی گرنگ بی كە ئاخر باوكیشی لەوانەیە دڵی ناسكی بە نەهێنی بەخۆی بمێنی كەوا بێ ئەمەكی توخمی تۆخی خۆی ئەبینی! *** پەڕی 280 هەم بێ فڕ! كە رەخنەت لێ دەگرم دەبێ بمری ئەگەر نەیەی دەستم نەگری و نەڵێی: "سپاس بۆوەی بەخۆڕایی ئاسۆی تێڕوانینی منی بەرتەسك
بینی دوگمت فراوان كرد!" *** پەڕی 279 هەم هۆكاری ئەوەی كەسانی ناودار دوای مەرگیان ناودارییەكەیان
دەردەكەوێ بۆ ئەوە ناگەڕێتەوە كە ئەوان لەپێش خەڵكی سەردەمی خۆیان ژیابێتن
و لەوان تێگەیشتووتر بووبێتن و
لەوقسانە. خۆ خەڵكی هەموو سەردەمەكان دواكەوتوو
و گەمژە و ناتێگەیشتوو نەبوون! هۆكاری ئەوەی كەسانی ناودار دوای مەرگیان ناودارییەكەیان
دەردەكەوێ بۆ ئەوە دەگەڕێتەوە كە ئەوان وەك بەناوبانگەكانی سەردەمی
خۆیان دەست و پێوەند و جاش و دەروێش و بولبولیان نەبووە تا كارەكانیان بۆ لە هەڵا بدەن! گەر ئەمڕۆ ناو و ناوبانگت هەیە
جوان سەرنج بدە خۆت تەنها بەخۆت بەناوبانگ بوووی
یان ماستاو چییەكان وایان لێ كردوووی؟! چوونكوو كە مردی دووتڕ بە گۆڕت ماستاوچی چی و شتی چی؟! ئەوەی كردووتە دەچێ بەدۆڵا ئەوان بۆ ئێسكت كلكیان لەقاندۆ نەك بۆ بەهێزی و بە پێزی تێكستت! تۆی بەناو بانگ و بە دەست و پێوەند
ئەمڕۆ دەمری و ئەوی بێ ناو بانگ، بێ دەست و پێوەند، بێ جارش و دەروێش لە دایك دەبێ لە دوای مەرگی تۆ! *** پەڕی 278 تەم پێمان دەڵێن ئێرە نیشتمانی خۆتانە
كەچی هەر چەند مانگ جارێك دەبێ بۆ نوێ كردنەوەی پێناسەی
پەنابەرییەكەمان كۆڵێك پارەی هاتووچۆ و وێنەی سەمەرە و پشكنینی خوێن و بگرە و بەردەی دیكە بدەین و یەك دنیا دەمووچاوی ترشاوی هەمووكەس
بە خراپ بینی رەگ مل هەڵتۆقاو بە ترس و هەستیارییەوە تێ پەڕ
بكەین و كە لە تۆقێنەر خانەكەشیان هاتینە دەرێ بە خۆمان بڵێین: ئاخ نیشتمان...! *** په‌ڕی 277 ته‌م شێعرێك و دوو وەرگێڕان (1) بەڕێز بە بەردەوام ئەو داواكارییەمان
لێ دەكرێ كە رێز لە بۆچوونەكانی
خەڵك بگرین و لێیان
تێ بگەین بەبێ ئەوەی بەلامانەوە
گرنگ بێت كە ئەو بۆچوونانە چەندە كۆنەپارێزانە و گەمژانە و قۆڕن. داواكاری ئەوەمان
لێ دەكەن كە كەرێتییەكانیان و ژیانی زبڵین و پڕ
لە دۆڕانیان بە رێزەوە لێك بدەینەوە، بەتایبەت هی پیرەكان. بەڵام تەمەن تاكە سامانی مرۆڤە كاكە ئەوان سەقەت
پیر بوون، بۆخۆشیان نەیانزانیوە
بۆچی ژیاون، ئەوان تەپیان لە
بینین و لە هیچ شتێك نەپێكاوە. خەتای خۆیان نەبووە؟ ئەی خەتای كێ بووە؟ خەتای من؟! بەردەوام داوام لێ
دەكرێ كە راو بۆچوونی خۆمیان
لێ بشارمەوە لەبەرامبەر ئەواندا
نەیەمە گۆ دەمم داخەم لەترسان لە ترسانیان. تەمەن، تاوان نییە بەڵام هەی بەكەم
بێ ژیانی بە دانستە خەسار كراو ئەویش نەك یەك و
دوان ئەو هەموو ژیانە
بەفیڕۆ چووە بەڵێ، ئەمەیان خودی تاوانە! ن. چارڵز بووكۆڤیسكی وەگێڕانی لە فارسییەوە/ ن.ف *** (2) میهره‌بان به هەمیشە داوامان لێدەکەن لە روانگەی کەسانی
تر تێبگەین و رێزیان لێبگرین, داوامان لێدەکەن له ئامۆژگاری و تەجرەبەکانیان هەرچەندە گەمژانە و چەپەڵ و کۆنەپەرستانەش بن بە چاوێکی میهرەبان
و به‌خشه‌نده بڕوانین داوامان لێدەکەن لە سەرجەمی هەڵەتی
ژیانیان لە سەرجەمی حەیف
و خەساریان تێبگەین و تەمەنی پیریان ره‌چاو
بگرین بەڵام تەمەنی هه‌ر
که‌س سەرجەمی کردەوه‌کانیه‌تی ئەوانەی تەمەنێک
به خراپی ژیاون بە چاوێکی روون
و کراوە نەیانبینیوە چاوی خۆیان لە واقیعییەت
بەستووە خەتای خۆیان نییە؟
ئەی خەتای کێیە؟ خەتای من؟ من دەبێ بترسێم و روانگەی خۆم حه‌شار
ده‌م تا ئەوان نەترسێن؟ نەخێر، پیری تاوان نییە بەڵام بەدەستی خۆت ژیانت لە نێو هەزاران
کەسی وەک خۆت بەخەسار دەی، بەڵێ ئەوە هه‌میشه
تاوانە. وه‌رگێڕ: ح. جه‌وهه‌ری له ئنگلیسیه‌وه *** پەڕی
276 شەم دوو
وەرگێڕان بۆ ئەم شێعرەی چالز بۆكاوێسكی: good
weather is
like good
women-- it
doesn't always happen and
when it does it
doesn't always
last. man
is more
stable: if
he's bad there's
more chance he'll
stay that way, or
if he's good he
might hang on, but
a woman is
changed by children age diet conversation sex the
moon the
absence or presence
of sun or
good times. a
woman must be nursed into
subsistence by
love here
a man can become stronger by
being hated. (1) هەوای
باش وەك ژنی
باش وایە بە
بەردەوامی دەست ناكەوێ كاتێكیش
دەست دەكەوێ زۆر
بەرگە ناگرێ. بەڵام
پیاو بەرگەی
زیاتر دەگرێ. گەر
خراپ بێ دەتوانێ
بۆ ماوەیەكی زۆر خراپ بمێنێ گەر
باشیش بێ وازوو
خراپ نابێ. بەڵام
ژن دەگۆڕێ بە منداڵ بە
تەمەن بە
پارێز بە
سێكس بە
قسە بە
مانگ بە
بوون و نەبوونی خۆر بە
كاتی خۆش. ژن
دەبێ ئاگات لێ بێت بە
ئەوین لە
كاتێك دا كە پیاو دەتوانێ
بەهێزتر بێ بە
بوونی نەیار! وەرگێڕانی
لە فارسییەوە ن.ف (2) هه‌وای
باش وه‌کوو ژنی
باشه هه‌میشه
له ئارا دا نیه و کاتێتکیش
له ئارا دایه به‌رده‌وام
نییه پیاو به‌رده‌وامتره چاک
یا خراپ بێ ره‌وتی
خۆی زوو به زوو ناگۆڕێ به‌ڵام
ژن به زۆر شت ده‌گۆڕێ به منداڵ ته‌مه‌ن پارێز قسه‌وباس سێکس مانگی
چارده بوون
و نه‌بوونی خۆره‌تاو
یا کاتی خۆش. ژن
ده‌بێ به
خۆشه‌ویستی ئارام
کرێته‌وه به‌ڵام
پیاو به
نه‌فره‌تی ئه‌غیار به‌هێزتر
ده‌بێ. وەرگێڕانی
لە ئینگلیزییەوە ح. جەوهەری ***
| Design By : Mihantheme |
